स्पेसएक्सची रेड प्लॅनेट सिटी अर्थात 'मंगळ सिटी '

नमस्कार! 

स्पेसएक्सचे संस्थापक एलॉन मस्क यांनी मंगळ ग्रहावर मानवी वसाहत स्थापन करणे हे आपल्या कंपनीचे मुख्य उद्दीष्ट बनवले आहे. चालू महिन्यापर्यंतच्या माहितीनुसार, स्पेसएक्सची योजना आता अधिक स्पष्ट आणि महत्वाकांक्षी झाली आहे. स्टारशिप हे पूर्णपणे पुनर्वापरयोग्य रॉकेट या योजनेचे केंद्रबिंदू आहे. मस्कच्या मते, मानवजात मल्टिप्लॅनेटरी (multiplanetary) होण्यासाठी मंगळावर स्वयंनिर्भर शहर उभे करणे आवश्यक आहे. हे प्रत्यक्षात आले तर पृथ्वीवर काही आपत्ती आली तरी मानवजात टिकून राहील. या लेखात आपण स्पेसएक्सच्या मंगळ योजनेची तपशीलवार माहिती घेऊया... 

स्पेसएक्सचे उद्दीष्ट एलॉन मस्क यांनी २००२ मध्ये स्पेसएक्सची स्थापना केली तेव्हापासून मंगळ ग्रहावर शहर उभारणे हे त्यांचे स्वप्न आहे. मस्क यासंबंधी सांगतात, "मानवजात प्रदीर्घकाळ अबाधित राहण्यासाठी मंगळावर शहर उभे करणे आवश्यक आहे." ते एक लाख ते दहा लाख लोकांच्या स्वयंनिर्भर शहराची कल्पना मांडतात. हे शहर २०५० पर्यंत शक्य होईल. हे शहर डोम हॅबिटॅट्स, ग्रीनहाऊस आणि भूमिगत संरचनांवर आधारित असेल. टेस्लाचे ऑप्टिमस रोबोट्स या बांधकामात मदत करतील.

स्टारशिप - योजनेचे मुख्य वाहन

स्टारशिप हे जगातील सर्वात शक्तिशाली रॉकेट आहे, जे १०० टनांपेक्षा जास्त सामान अंतराळात वाहून नेऊ शकते. २०२५ मध्ये स्टारशिपच्या अनेक चाचण्या झाल्यात. ऑर्बिटल रिफ्यूलिंग आणि री-एंट्रीही यशस्वी झाली. व्हर्जन ३ स्टारशिप अधिक कार्यक्षम आहे. हे रॉकेट मंगळावर यशस्वीपणे पोहोचण्यासाठी ऑर्बिटल रिफ्यूलिंग  गरजेची आहे. त्यासाठी पृथ्वीच्या कक्षेत स्थापन करण्यात येणारे टँकर स्टारशिप्समध्ये इंधन भरतील.

टाइमलाइनमस्क यांच्या "Road to Making Life Multiplanetary" अपडेटनुसार:

• २०२६/२७: पहिली मानवरहित मोहीम रवाना होईल. ५ स्टारशिप्स मंगळावर लँडिंगची चाचणी करतील. यशस्वी झाल्यास ISRU (मंगळावर इंधन आणि ऑक्सिजन तयार करणे) सुरू होईल. मस्क म्हणाले, "५०% शक्यता आहे."
• २०२८/२९: सर्वकाही सुरुळीतपणे पार पडले तर २० स्टारशिप्स, कदाचित मानवी मोहिमा सुरू होतील.
• २०३०/३१: १०० स्टारशिप्स.
• २०३३: ५०० स्टारशिप्स.

दीर्घकालीन उद्दीष्ट: २६ महिन्यांच्या प्रत्येक ट्रान्सफर विंडोमध्ये हजारो स्टारशिप्स, ज्यामुळे लाखो टन कार्गो आणि हजारो लोक मंगळावर पोहोचतील.

मुख्य तंत्रज्ञान आणि आव्हाने

• ISRU: मंगळाच्या CO₂ आणि बर्फापासून मिथेन आणि ऑक्सिजन तयार करणे, जेणेकरून परतण्यासाठी इंधन मिळेल.
• रोबोट्स: टेस्ला ऑप्टिमस रोबोट्स आधी पाठवले जातील, जे हॅबिटॅट्स बांधतील.
• लँडिंग साइट: सपाट मैदान, पाण्याच्या बर्फाजवळ, जसे आर्केडिया प्लॅनिटिया.

आव्हाने: रेडिएशन, कमी गुरुत्वाकर्षण, धुळीचे वादळ, मानसिक आरोग्य आणि प्रचंड खर्च. तरीही, स्टारशिपच्या पुनर्वापरामुळे खर्च कमी होईल.भविष्याची सुरुवातस्पेसएक्सचे मार्स मिशन ही मानवजातीच्या इतिहासातील सर्वात महत्वाकांक्षी मोहीम आहे. २०२५ पर्यंत स्टारशिपच्या प्रगतीमुळे हे स्वप्न दृष्टिपथास येत आहे. मस्क म्हणतात, "ही विज्ञानकथा नाही, तर वास्तव आहे." सर्व काही योजनेप्रमाणे सुरुळीत घडले, तर २०३० च्या दशकात मंगळावर मानवी पाऊल पडेल आणि नंतर स्वावलंबी शहर अस्तित्वात येईल. हे केवळ अंतराळ संशोधन नव्हे, तर मानवजातीचे अस्तित्व सुरक्षित करण्याचे प्रयत्न आहेत.तुम्हाला याबद्दल अधिक माहिती हवी का? कमेंट करा!

0+ Great