रात्री आकाशाकडे पाहिल्यावर आपल्याला लाखो तारे, चंद्र, ग्रह दिसतात. अनेकांना वाटते की, हेच संपूर्ण विश्व आहे. पण आधुनिक खगोलशास्त्राने या समजुतीला पूर्णपणे बदलून टाकले आहे. जगभरातील दुर्बिणी, उपग्रह आणि अंतराळ मोहिमांमधून मिळालेल्या निरीक्षणांवरून शास्त्रज्ञ असा निष्कर्ष काढतात की आपण पाहू शकणारे तारे, ग्रह, धूळ, वायू आणि मानव यांच्यासह सर्व सामान्य पदार्थ मिळून विश्वाच्या केवळ 5 टक्के भागाचे प्रतिनिधित्व करतात. उर्वरित 95 टक्के विश्वस अजून अदृश्य असून, त्यात डार्क मॅटर व डार्क एनर्जीचा समावेश आहे. हे आधुनिक विज्ञानासमोरील सर्वात मोठ्या रहस्यांपैकी एक मानले जाते.